Marc-Andre ter Stegen, markvörður Barcelona, er bálreiður út í félagið og hefur hafnað því að semja við Monaco í Frakklandi.

Þetta kemur fram í spænska miðlinum Sport en Ter Stegen verður líklega ekki aðalmarkvörður Börsunga á næsta tímabili.

Þjóðverjinn er hundfúll með vinnubrögð Barcelona sem ákvað að semja við Joan Garcia, markvörð Espanyol, á dögunum.

Barcelona hefur reynt að selja Ter Stegen án árangurs en hann neitar að fara og hótar því að sitja út samning sinn sem rennur út 2028.

Hann gefur félaginu einn valkost og það er að borga upp restina af samningnum og þá mun hann samþykkja að semja við annað féæag.

Ter Stegen er 33 ára gamall og er einn launahæsti leikmaður Barcelona en fá félög virðast sýna honum áhuga þessa stundina.