Martin Ödegaard, leikmaður Arsenal, ætlar í mál við blaðið ‘Se og Hör’ í Noregi eða Séð og Heyrt eins og það yrði kallað hérlendis.

Ödegaard er einn frægasti fótboltamaður Noregs en hann er einnig lykilmaður og fyrirliði enska stórliðsins.

Ástæðan er athyglisverð en Séð og Heyrt birti myndir af heimili Ödegaaard og lýsingu á staðsetningu þess án leyfis.

Ekki nóg með það þá voru myndatökumenn mættir í brúðkaup leikmannsins og reyndu að ná myndum af honum og eiginkonu hans, Helene Spilling Ödegaard,

Ödegaard og hans lögmenn telja að um brot á persónuvernd hafi verið að ræða og eru allar líkur á að blaðið verði ákært.

Niklas Kokkin-Thoresen, ritstjóri Séð og Heyrt, segist vera rólegur yfir þessu máli en viðurkennir að myndir af heimili Ödegaard hafi verið birtar og að staðsetningunni hafi verið lýst í sömu grein.

Giftingin átti sér stað síðasta laugardag og voru blaðamenn Séð og Heyrt fjarlægðir af staðnum af öryggisvörðum.