Times segir frá því að Liverpool hafi svo sannarlega fjármuni til að eyða áfram þrátt fyrir kaup á Florian Wirtz, Jeremie Frimpong og Milos Kerkez.
Hafa ensku meistararnir rifið fram 200 milljónir punda en eru með talsvert magn af fjármunum til að eyða áfram.
Þannig segir Times frá því að ekki sé útilokað að Liverpool reyni að kaupa Alexander Isak framherja Newcastle.
Newcastle hefur viljað fá vel yfir 100 milljónir punda en Alexander Isak skoraði 26 mörk á síðustu leiktíð og var einn öflugasti framherji Evrópu.
Julian Alvarez hefur einnig verið nefnt til sögunnar en Times segir Liverpool með góða stöðu og vera langt frá því að brjóta einhverjar reglur um eyðslu liða.
