Mikael Nikulásson fyrrum þjálfari KFA og vinur Óskars Hrafns Þorvaldssonar þjálfara KR er farin að hafa verulegar áhyggjur af stöðu mála í Vesturbænum.
KR fékk 6-1 skell gegn Val í gær og er liðið búið að vera í vandræðum í leikjunum þar á undan.
„Þeir eru bara að rassaríða okkur, þeir pökkuðu KR saman. Hverjir eru með betri gæja að sækja hratt en Valur? Þetta var svo mikil veisla, Óskar leikgreinir ekki einu sinni liðin,“ sagði Mikael í Þungavigtinni í dag.
Óskar hefur vakið mikla athygli í sumar, bæði hefur spilamennska KR verið skemmtileg og Óskar Hrafn farið mikinn í mörgum viðtölum. Mikael er hrifin af sumu en ekki öllu og segir marga stuðnignsmenn KR vera orðna pirraða.
„Óskar fer mikinn, ég hrifin af þessu en verð ekki hrifin ef KR fellur. Það er allt vitlaust hjá KR stuðningsmönnum, honum er alveg sama. Ég er inni á síðum og það er allt vitlaust, hann segir að það sé vegferð alveg niður í 5. flokk. Ég kaupi það alveg, mér finnst enginn bæting á meistaraflokknum.“
„Ég er hrifin af þessu í yngri flokkum, í meistaraflokknum er Óskar að segja að þetta sé vegferð. Vegferð með hvað? Þetta eru ekki 18-19 ára leikmenn, leikmennirnir í vörninni hjá KR verða ekkert þarna ef það á að ná árangri. Gabríel, Hjalti, Finnur Tómas, eru þeir á einhverri vegferð? Þeir verða lélegri með hverjum leiknum, mér sýnist að hann þurfi allt aðra leikmenn í helming af stöðunum til að spila svona.“
„Ef þetta heldur svona áfram þá fellur KR, þeir eru að fá sig að meðaltali fjögur mörk í síðustu leikjum.“
Mikael segir mótið hjá KR vera undir í næstu þremur leikjum þar sem liðið mætir FH, KA og ÍA.
„Það er mótið undir í næstu þremur leikjum, tölfræði er sókn og vörn. Hvaða tölfræðiþætti er Óskar að tala um? Tölfræðilega eru þeir búnir að verjast fyrirgjöfum verst í deildinni, ég get alveg sagt það og sagt Óskari það. Hann verður ekki Íslandsmeistari með þessa vörn 2028.“
„Hann spilaði suicide fótbolta með Breiðablik en ekki svona. Hann breytti eftir 2020, þá fór hann að breyta. Árið 2022 unnu þeir mótið með sterkri vörn, það er þannig að hann er kannski með of mikið traust. Hann er kannski með of mikil völd sem yfirmaður knattspyrnumála. Þarf hann annan mann með sér? Hefur sést mikið af aðstoðarþjálfaranum (Theodór Elmar Bjarnason)? Það er ekki auðvelt að vera aðstoðarþjálfari hjá Óskari en þú lærir fullt, Óskar er geggjaður náungi og frábær þjálfari. Ef þeir fara að ekki pila betri varnarleik þá verður þetta erfitt.“
