Það vakti nokkra athygli á Kópavogsvelli í gær þegar búið var að hengja upp borða af Arnari Sveini Geirssyni, fyrrum leikmanni félagsins.

Arnar var leikmaður Breiðabliks frá 2019 til 2010. Hann hefur í gegnum tíðina verið reglulegur gestur í hlaðvarpinu Dr. Football.

Arnar er vinsæll sem sérfræðingur enda ekki þekktur fyrir það að tala í kringum hlutina, hann segir það sem honum finnst.

„Þeir brotna alltaf,“ stendur á stórum fána sem er búið að koma fyrir í stúkunni á Kópavogsvelli.

Ummælin eru frá Arnari og féllu árið 2021 þegar Breiðablik kastaði frá sér Íslandsmeistaratitlinum, liðið hefur síðan þá unnið deildina í tvígang.

Eitthvað hafa þessi ummæli pirrað hörðustu stuðningsmenn Blika sem gleyma þeim ekki og flagga þeim nú sem Íslandsmeistarar.