Hin bandaríska Katie Raymond hefur þurft að þola áreiti og breytta framkomu frá fólki eftir að umdeilda klámstjarnan Bonnie Blue byrjaði að gera allt það sem hún er svo umdeild fyrir. Eins og að sofa hjá ungum karlmönnum sem eru rétt skriðnir yfir átján ára – og leita þá sérstaklega uppi. Sofa hjá yfir þúsund manns á tólf klukkustundum, sofa hjá giftum karlmönnum og svo framvegis.

Það er óhætt að segja að Bonnie Blue sé ein frægasta og alræmdasta klámstjarnan í dag. Þó að fólk horfi ekki á efnið hennar veit það hver hún er og hvernig hún lítur út þar sem hún hefur verið reglulega í heimspressunni undanfarið ár vegna umdeildu uppátækjanna hennar.

@katie.org Replying to @chiaramichelazzzi maybe it’s not that deep, but it feels like it to me #fyp #storytime #dupe ♬ original sound – katie

Katie er ljóshærð, með blá augu og þykir lík Bonnie og hún er þreytt á því að heyra það. Hún segir frægðarsól Bonnie hafa skyggt á hana sem persónu. Fólk kemur allt öðruvísi fram við hana og verður hún fyrir áreiti vegna líkinda þeirra.

„Ég er ekki Bonnie Blue eftirlíking,“ segir hún í myndbandi á TikTok.

„Daglega er ég spurð hvort ég sé gellan sem svaf hjá þúsund karlmönnum. Það er komið öðruvísi fram við mig, spurt hvort ég sé heit fyrir varla löglegum gaurum og þó þetta sé grín, er það samt? Því það er verið að hlutgera mig,“ segir hún.

„Ég er líka byrjuð að hafa áhyggjur af öryggi mínu. Fólk kemur klárlega öðruvísi fram við mig síðan þetta byrjaði.“