Michael Carrick hefur verið rekinn úr starfi sem knattspyrnustjóri Middlesbrough. Hann var sá stjóri sem hafði verið lengst í starfi í Championship deildinni.
Carrick gerði nýjan þriggja ára samning við Middlesbrough fyrir ári síðan.
Carrick náði ekki að koma Middlesbrough í umspil um laust sæti í ensku úrvalsdeildinni og var það mikil vonbrigði fyrir félagið.
Boro endaði tímabilið illa og vann bara einn af síðustu sex leikjunum, liðið endaði í tíunda sæti deildarinnar.
Liðið var hins vegar bara fjórum stigum frá umspili en liðið fann ekki nógu mikinn stöðugleika á tímabilinu.
Carrick var í sínu fyrsta starfi sem stjóri en hann hafði tímabundið stýrt Manchester United í nokkra leiki. Jonathan Woodgate og fleiri aðstoðarmenn Carrick voru einnig látnir fara.
The club has today parted company with head coach Michael Carrick.
Full statement ⤵️
— Middlesbrough FC (@Boro) June 4, 2025
