Mikel Arteta hefur gefið í skyn að hann muni senn skrifa undir nýjan samning við Arsenal.
Samningur Arteta rennur út eftir komandi leiktíð og eðlilega vill Arsenal skuldbinda hann hjá sér áfram. Spánverjinn hefur snúið gengi liðsins við frá því hann tók við fyrir fimm árum síðan og var liðið hársbreidd frá því að vinna Englandsmeistaratitilinn í vor.
„Það hefur ekkert breyst hvað mér líður vel hér og hversu mikið ég elska að starfa fyrir þetta félag. Ég upplifi það að vera mjög mikils metinn,“ sagði Arteta, spurður út í nýjan samning.
„Það þarf allt að gerast á náttúrulegan hátt. Samband okkar er það gott að ég geri ekki ráð fyrir að það verði nein vandræði.“
