ESPN í Bretlandi deildi í gær myndbandi af ungum Íslendingi þar sem hann er heima hjá sér að æfa sig í fótbolta, taktarnir í kappanum vekja mikla athygli.
Drengurinn ungi er sonur landsliðsmannsins, Jóhanns Berg Guðmundssonar og lögfræðingsins, Hólmfríðar Björnsdóttur.
Jóhann Berg deildi myndbandi af tveggja ára syni sínum fyrir nokkru síðan en ESPN sem er með fleiri milljónir fylgjenda á Instagram birti svo myndbandið í gær á tveimur reikningum sínum.
Taktarnir hjá tveggja ára stráknum vekja athygli og fylgjendur ESPN á Instagram eru ansi hrifnir.
„Kevin De Bruyne verkefni í vinnslu, horfið á þennan dreng leggja upp 20 mörk í náinni framtíð,“ skrifar einn.
Annar þeirra biður foreldrana að passa að Todd Boehly eigandi Chelsea fari nú ekki í það að kaupa hann alveg strax.
Drengurinn ungi er klæddur í Burnley treyju á myndbandinu en Jóhann Berg er að hefja sitt sjöunda tímabil í herbúðum Burnley og lagði upp mark gegn Aston Villa, í ensku úrvalsdeildinni um helgina.
Snilli drengsins má sjá hér að neðan.
