Michael Owen, goðsögn enska boltans, hefur spáð fyrir um efstu fjögur sætin í ensku úrvalsdeildinni á tímabilinu.

Owen viðurkennir að það sé erfitt að sjá fyrir hvaða lið ná Meistaradeildarsæti en hann telur að bæði Tottenham og Manchester City missi af lestinni.

Owen segir þó að bæði lið eigi góða möguleika en ef hann ætti að spá í framtíðina munu Manchester City, Liverpool, Chelsea og Arsenal enda í topp fjórum.

Owen er fyrrum leikmaður Liverpool sem og Man Utd en hann segir að það fyrrnefnda sé enn besta eða næstbesta lið heims þrátt fyrir erfiða byrjun. Liverpool er tíu stigum frá toppnum fyrir umferð helgarinnar.

,,Það er erfitt að spá fyrir um topp fjóra. Manchester City, klárlega. Ég held að Chelsea verði þarna sem og Arsenal,“ sagði Owen.

,,Ég get ekki valið á milli Liverpool og Tottenham þessa stundina. Ég segi Liverpool en það er erfitt að skilja Tottenham eftir þegar þeir eru líka að spila vel.“

,,Manchester United á líka góða möguleika. Þetta er risastórt félag sem allir búast við að endi í topp fjórum. Liverpool er ennþá á meðal bestu liðanna. Arsenal hefur byrjað tímabilið vel en ég held að Liverpool og Man City séu enn topp tvö liðin í Evrópu.“