Miðjumaðurinn Casemiro mun ræða við Carlo Ancelotti, stjóra Real Madrid, um framtíð sína á næstu klukkutímum.
Casemiro er með stórt tilboð á borðinu frá Manchester United og íhugar hann nú að samþykkja það. Brasilíumaðurinn yrði á meðal launahæstu leikmanna United ef hann samþykkir tilboðið.
Samningur Casemiro við Real Madrid rennur hins vegar ekki út fyrr en eftir þrjú ár.
Hinn þrítugi Casemiro er gífurlega reynslumikill. Hann hefur þrisvar sinnum orðið spænskur meistari með Real Madrid og fimm sinnum Evrópumeistari, svo eitthvað sé nefnt.
United hefur í allt sumar reynt að styrkja miðju sína. Liðið hafði lengi vel mikinn áhuga á Frenkie de Jong. Það virðist þó ekki svo sem félagið nái að krækja í hann frá Barcelona.
Rauðu djöflarnir þurfa á allir styrkingu sem þeir geta fengið að halda. Liðið hefur tapað báðum leikjum tímabilsins það sem af er í ensku úrvalsdeildinni, þar af 4-0 gegn Brentford um síðustu helgi.
Casemiro will have a conversation with Carlo Ancelotti in the next hours to discuss his future, as Manchester United contract proposal received yesterday is tempting him. 🚨🇧🇷 #MUFC
Man Utd received zero new signals on Frenkie de Jong side in the last month, nothing changed. pic.twitter.com/wp2rqcAISk
— Fabrizio Romano (@FabrizioRomano) August 18, 2022
