Jano Ananidze er ekki leikmaður sem margir kannast við en hann spilar með Krylia Sovetov í Rússlandi.
Ananidze var gríðarlegt efni á sínum tíma er hann lék með Spartak Moskvu. Hann er enn samningsbundinn félaginu en er í láni hjá Krylia.
Hann var orðaður við mörg stórlið og árið 2010 þá bauð enska stórliðið Arsenal í miðjumanninn.
Ananidze var þá 17 ára gamall en Spartak ákvað að leyna því frá honum að Arsenal hefði lagt fram tilboð.
,,Það hefur verið áhugi frá öðrum löndum. Ég komst nýlega að því að það hafi komið tilboð frá Arsenal en þeir sögðu mér ekki frá því,“ sagði Ananidze.
,,En af þeim liðum sem höfðu áhuga og við vissum af því þá nefni ég Valencia, þeir voru topplið á þessum tíma.“
,,Spartak tók þá ákvörðun að ég myndi ekki fara.„
