Thierry Henry hefur ákveðið að segja upp störfum hjá Sky Sports þar em hann hefur starfað undanfarin ár.

Henry hefur starfað sem sérfræðingur fyrir Sky Sports og var reglulega í settinu fyrir og eftir leiki í ensku úrvalsdeildinni.

Henry starfar einnig sem aðstoðarþjálfari belgíska landsliðsins en liðið tryggði sér bronsverðlaun á HM í Rússlandi á dögunum.

Henry hefur nú gefið það út að hann ætli sér að gerast þjálfari og hefur því ekki tíma til að sinna vinnu Sky.

Henry vann fyrir sjónvarpsstöðina í fjögur ár eftir að hafa lagt skóna á hilluna eftir dvöl í Bandaríkjunum.