Ragnar Sigurðsson, leikmaður íslenska landsliðsins, var gríðarlega ánægður í kvöld eftir frábæran 1-0 sigur á Króatíu í undankeppni HM.

Raggi setti inn færslu á Instagram eftir leikinn í kvöld til að svara þeim sem vildu meina að hann væri ekki í formi eftir erfitt tímabil með Fulham.

,,Mér fannst ég verða að gera þetta. Það þýðir ekki að stressa sig alltof mikið. Við erum allir atvinnumenn og þó við séum ekki að spila þá erum við allir í formi,“ sagði Raggi.

,,Við vorum mjög solid. Þeir fengu eitt færi þegar ég rann á rassgatið á fyrstu mínútu en þetta eru bara mómentin þar sem liðsfélagar þínir þurfa að bjarga þér og þeir gerðu það.“

,,Auðvitað eru þeir með ógeðslega góða gaura þarna og það er enginn sem kemst nálægt Modric þegar hann er með boltann.“

,,Þeir voru tilbúnir í þetta og vildu koma og vinna leikinn. Ég sá einu sinni að Modric var pirraður og var að skamma strákana sína.“

Við biðjumst afsökunar á hljóðinu í myndbandinu sem er aðeins á eftir mynd.