„Við mættum ekki til leiks í dag,“ sagði Arnar Grétarsson, þjálfari Breiðabliks eftir 3-1 tap liðsins gegn KA í dag.

Það voru þeir Darko Bulatovic, Elfar Árni Aðalsteinsson og Ásgeir Sigurgeirsson sem skoruðu mörk KA í leknum en Andri Rafn Yeoman minnkaði muninn fyrir Blika í stöðunni 3-0.

„Maður hefði haldið að menn myndu mæta hérna til leiks og vera eins og beljurnar á vorin og vilja hlaupa og djöflast. KA menn mættu hérna og djöfluðust og voru bara miklu betri og við vorum heppnir að tapa ekki stærra.“

„Ég hef aldrei séð okkur svona lélega á þeim tveimur, þremur árum sem ég hef verið hérna. Það að við mætum svona til leiks í fyrsta leik er í raun bara fáránlegt.“

Viðtalið í heild sinni má sjá hér fyrir ofan og neðan.