„Hjartað slær fyrir Víking, það er bara þannig,“ sagði Sölvi Geir Ottesen, nýjasti leikmaður Víkings á blaðamannafundi í Víkinni núna rétt í þessu.
Hann skrifar undir þriggja ára samning við félagið og mun því leika með liðinu til ársins 2020, í það minnsta.
Þessi 33 ára gamli varnarmaður á að baki afar farsælan feril sem atvinnumaður en hann kom til Djugarden frá Víkingum árið 2004 þar sem hann hóf atvinnumannaferilinn.
„Ég talaði við Heimir og Loga áður en ég fór til Kína og við fórum aðeins yfir hlutina og það voru í raun aldrei nein önnur lið sem komu til greina.“
„Ég hef fylgst rosalega lítið með íslenskum fótbolta og það er eitthvað sem ég þarf að koma mér betur inní núna þegar að ég er kominn til Ísland,“ sagði leikmaðurinn m.a
Viðtalið í heild sinni má sjá hér fyrir ofan og neðan.
