„Formið er fínt, ég er búinn að æfa vel en ekki búinn að spila eins mikið og ég gerði ráð fyrir en svona er þetta bara, það þurfa allir að vinna fyrir sínu,“ sagði Birkir Bjarnason á æfingu íslenska liðsins í morgun.

Birkir leikur í dag með Aston Villa í ensku Champinship-deildinni en hann hefur fengið fá tækifæri í byrjunarliði Villa upp á síðkastið en liðið situr í sjöunda sæti deildarinnar með 19 stig eftir fyrstu 11 leikina.

„Ég er alltaf vongóður og bjartsýnn. Ég geri bara mitt og þá sjáum við hvort þetta komi ekki bara. Við erum búnir að vinna fjóra í röð og þá skýst maður upp töfluna.“

„Þetta er mjög furðuleg deild. Öll lið geta einhvernvegin unnið átta í röð og svo tapað átta í röð þannig að þetta er skemmtileg deild.“

Viðtalið í heild sinni má sjá hér fyrir ofan og neðan.