Glódís Perla Viggósdóttir, leikmaður íslenska kvennalandsliðsins, var að vonum súr í kvöld eftir 3-0 tap gegn Austurríki í lokaleik Íslands á EM.

,,Þær voru betri en við í dag og þess vegna töpum við 3-0 en þær sýndu það í dag hvernig við hefðum getað verið í öllum leikjum ef við hefðum verið 100 prósent,“ sagði Glódís.

,,Það er svekkjandi að tapa fyrir sjálfum sér á því sem við teljum okkur vera bestar í. Það er svekkjandi.“

,,Við fórum í þetta mót með stóra drauma og væntingar og ætluðum að fara alla leið og vegna þess þá getur þetta endað með gríðarlegum vonbrigðum.“