,,Staðan á mér er góð,“ sagði Alfreð Finnbogason framherji Augsburg og Íslands við 433.is á Laugardalsvelli í dag.

Alfreð var frá vegna ælupestar á æfingu á þriðjudag en er að ná fullri heilsu og verður klár á sunnudaginn.

,,Aðfaranótt þriðjudags var erfið, ég vaknaði og var með smá ælu. Ég náði ekki neinni almennilegri slökun og talaði við Heimi um morgunin, hann sagði mér að vera heima ef þetta væri eitthvað meira en það. Sem betur fer var þetta ekkert meira, ég náði góðri hvild í gær og góðum svefni.“

,,Ég veit ekki hvað þetta var, hvort ég borðaði eitthvað vitlaust eða væg matareitrun. Núna snýst þetta um að vera klár á sunnudaginn og klár í hausnum.“

Ísland mætir Króatíu í undankeppni HM á sunnudaginn og Alfreð á von á erfiðum leik. Króatía er á toppi riðilsins með 13 stig en Ísland í öðru sæti með 10 stig.

,,Þeir verða væntanlega meira með boltann og líklegri, þetta snýst svo um hvað við gerum þegar við fáum boltann. Að við séum ekki fljótir að tapa honum, það verða opin svæði hjá þeim og fyrir aftan þá.“

Viðtalið er í heild hér að ofan og neðan.