Forseti FIFA, Gianni Infantino, gæti hafa brotið siðareglur FIFA eftir þátttöku sína á fyrsta fundi svokallaðrar Friðarnefndar í Washington.
Fundinum var stýrt af Donald Trump. Um 60 þjóðarleiðtogum var boðið að taka þátt, þó nokkur stór ríki hafi ekki mætt.
Á fundinum var heitið að verja miklum fjármunum í neyðarpakka fyrir Gaza og rætt um enduruppbyggingu svæðisins í tengslum við vopnahléstillögu sem nýtur stuðnings Bandaríkjanna.
Infantino ávarpaði fundinn og kynnti hugmyndir um uppbyggingu knattspyrnuinnviða á Gaza-svæðinu.
Athygli hefur þó vakið myndband þar sem Infantino sést með rauða húfu með áletruninni „USA“. Samkvæmt 15. grein siðareglna FIFA skulu þeir sem bundnir eru reglunum sýna pólitískt hlutleysi.
Brot gegn reglunum geta varðað sekt upp á um eina og hálfa milljóna króna og allt að tveggja ára bann frá störfum innan knattspyrnunnar. Hins vegar er óljóst á þessu stigi hvort framkoma Infantino teljist raunverulegt brot á siðareglunum.
