Ibrahima Konaté, varnarmaður Liverpool, er tæpur fyrir mikilvægan leik liðsins gegn Marseille í Meistaradeildinni eftir að hafa snúið heim til Frakklands af fjölskylduástæðum.

Samkvæmt enskum blöðum var Konaté fjarverandi á opinni æfingu Liverpool í Kirkby á þriðjudag, en óljóst er hvort hann muni ganga til liðs við samherja sína í Frakklandi fyrir leikinn sem fer fram á morgun. Fjarvera hans gæti reynst Liverpool dýrkeypt í baráttunni um áframhaldandi þátttöku í keppninni.

Arne Slot, knattspyrnustjóri Liverpool, er undir vaxandi pressu eftir 1-1 jafntefli gegn Burnley, sem þýddi að liðið náði ekki að sigra neitt af nýliðunum í úrvalsdeildinni á heimavelli í fyrsta sinn síðan 1981.

Liverpool er nú langt frá toppsætinu og í harðri baráttu um Meistaradeildarsæti.

Liverpool þarf að minnsta kosti stig gegn Marseille, sem er undir stjórn Roberto De Zerbi, til að tryggja sér sæti í umspilinu, en markmiðið er að enda í efstu átta sætunum og forðast aukaleiki.