Nicola Peltz, eiginkona Brooklyn Beckham, virðist hafa sett like við fjölda athugasemda á samfélagsmiðlum sem tengjast meintu ósætti milli Brooklyn og foreldra hans, David og Victoriu Beckham.
Undanfarið hafa breskir miðlar fjallað mikið um stirð samskipti innan Beckham-fjölskyldunnar. Samkvæmt Daily Mail eiga að hafa átt sér stað orðaskipti milli lögfræðinga Brooklyn annars vegar og foreldra hans hins vegar, þar sem Brooklyn á að hafa óskað eftir því að foreldrar hans hefðu ekki samband við sig né tjáðu sig opinberlega um hann.
Á samfélagsmiðlum hefur Nicola nú verið sögð hafa sett like við athugasemdir sem styðja Brooklyn og gagnrýna fjölskylduna. Ein þeirra hljóðaði svona: „Enginn slítur sambandinu við foreldra sína án gildrar ástæðu“.
Deilan hefur vakið mikla athygli og umtal, en hvorki Brooklyn né foreldrar hans hafa tjáð sig opinberlega um stöðu mála.
