Sjónvarpskonan Diletta Leotta hefur á ný vakið mikla athygli á samfélagsmiðlum eftir að hún birti myndir af sér í gegnsæjum skíðagalla þar sem hún sýndi óléttukúluna.

Leotta, sem starfar fyrir DAZN, er gift fyrrverandi markverði Liverpool, Loris Karius, og eiga þau von á öðru barni sínu saman. Parið naut frís yfir hátíðarnar ásamt dóttur sinni Aríu og fjölskyldu í ítölsku Dólómítafjöllunum.

Í færslu sem hún merkti „Hello 2026“ vakti klæðnaður hennar mikla athygli, en margir töldu fatavalið óviðeigandi, þar sem gegnsær brúnn gallinn og brjóstahaldarinn voru áberandi.

Aðeins nokkrum dögum áður hafði hún einnig birt myndir frá áramótunum, meðal annars þar sem hún var vafin í rúmföt, lítið klædd úti í snjónum og í sundbol í heitum potti.

Ummæli fylgjenda voru hörð, en einn skrifaði „alltaf dónaleg“, annar hvatti hana til að klæða sig meira og sá þriðji gerði háð að slíkur klæðnaður væri algengur á fjöllum, sérstaklega á meðgöngu.