Afganska kvennalandsliðið í knattspyrnu mun snúa aftur á alþjóðlega sviðið eftir að FIFA samþykkti reglubreytingu sem gerir liðinu kleift að taka þátt í keppnum.

Liðið hefur ekki spilað landsleik síðan 2018, en eftir að Talibanar tók völdin árið 2021 var íþróttaiðkun kvenna bönnuð og margir leikmenn neyddust til að flýja land.

Með nýju reglunni getur FIFA, við sérstakar aðstæður, viðurkennt landslið þrátt fyrir að það sé ekki formlega skráð af knattspyrnusambandi viðkomandi lands.

Fyrrum fyrirliði liðsins, Khalida Popal, segir endurkomuna vera mikilvægt skref.

„Við höfum alltaf verið baráttulið, en nú fáum við tækifæri til að sýna hæfileika okkar og styðja við konur í Afganistan,“ sagði hún.

Afganska liðið verður ekki með í undankeppni HM 2027 en gæti tekið þátt í undankeppni Ólympíuleikanna 2028 og er stefnt að því að liðið spili sína fyrstu leiki í júní.