Íslenska kvennalandsliðið kom saman á Spáni fyrir helgi, þar sem það hefur undirbúning sinn fyrir fyrstu tvo leiki sína í undankeppni HM 2027.
Æfingar hófust á föstudag, en á morgun mæta Stelpurnar okkar ógnarsterku heimsmeistaraliði Spánar. Leikurinn hefst klukkan 18 að íslenskum tíma á Estadio Municipal Castalia í Castellon.
Liðið ferðast svo yfir til Englands á fimmtudag og mætir þar Evrópumeisturum Englands á laugardag á City Ground í Nottingham. Hefst sá leikur kl. 12:30.
Verkefnið er ærið, en í riðli Íslands í A-deild undankeppninnar er einnig Úkraína.
