Knattspyrnudeild ÍA hefur opinberað ársreikning sinn fyrir árið 2025. Samkvæmt rekstrarreikningi nam hagnaður ársins 54,2 millj. kr. Eigið fé í árslok nam 235,2 millj. kr. samkvæmt efnahagsreikningi.
Rekstrartekjur félagsins jukust hressilega á milli ára og voru 425 milljónir en voru tæpar 400 milljónir árið 2024.
Launakostnaður hækkaði hressilega en laun og verktakagreiðslur voru um 264 milljónir og er hækkunin í kringum 24 milljónir á milli ára.
Félagið fékk árið 2025 rúmar 100 milljónir fyrir sölu á leikmönnum en Hinrik Harðarson var seldur til Odd í Noregi svo dæmi sé tekið.
Félagið átti um 31 milljón í handbært fé í árslok en rétt tæpa milljón árið á undan. Skuldir félagsins voru 16 milljónir í árslok og höfðu lækkað um 13 milljónir á milli ára. Þá á félagið 231 milljón í óráðstafað eigið fé.
ÍA fékk á síðasta ári 93 milljónir frá styrktaraðilum sem er veruleg hækkun frá fyrra ári þegar styrkirnir voru um 70 milljónir.
Góður rekstur ÍA hefur sést í vetur þar sem félagið hefur verið virkt á félagaskiptamarkaðnum og launakostnaður að öllum líkindum hærri árið 2026 en hann var í fyrra.
