Sir Gareth Southgate, fyrrverandi landsliðsþjálfari Englands, hefur byggt upp umtalsvert fasteignasafn samhliða knattspyrnuferli sínum.
Samkvæmt nýjum gögnum hefur Southgate fjárfest í fasteignum að verðmæti um 8,7 milljónir punda í gegnum útleigufélag sitt. Á síðasta ári bætti hann þremur eignum við safnið.
Fjárfestingafélag hans, MAS Investment Holdings, á nú alls 16 fasteignir í Manchester, London og Birmingham. Félagið, sem sérhæfir sig í kaupum og sölu fasteigna, er rekið af Southgate og eiginkonu hans Alison.
Ný skjöl sýna einnig að félagið hefur tekið lán upp á um 2,9 milljónir punda með veði í eignunum. Meðal nýjustu kaupa eru þrjár íbúðir í nýju íbúðahverfi í Birmingham, sem kostuðu á bilinu 367 til 450 þúsund pund hver.
Southgate lét af störfum sem landsliðsþjálfari eftir tap Englands gegn Spáni í úrslitaleik EM 2024. Hann stýrði liðinu í 102 leikjum á nær átta árum og kallaði starfið heiður lífs síns.
