Fyrrverandi knattspyrnumaðurinn Micah Richards kom samverkamönnum sínum heldur betur á óvart þegar hann greindi frá því að Mel B úr Spice Girls hefði verið barnapían hans í æsku.

Richards, sem er 37 ára og fyrrum leikmaður Manchester City og enska landsliðsins, sagði söguna í hlaðvarpinu The Rest Is Football. Þar sátu með honum Gary Lineker og Alan Shearer, sem voru greinilega slegnir með ótrúlegu frásögninni.

Richards fæddist í Birmingham en ólst upp í Leeds, heimabæ Mel B. Áður en hún sló í gegn á tíunda áratugnum sem „Scary Spice“ í Spice Girls, vann hún sér inn aukapening með því að passa börn, þar á meðal Micah Richards.

„Mel B passaði mig þegar ég var yngri,“ sagði Richards. „Fáið hana í þáttinn! Systir mín gerir enn hárið á henni.“

Shearer gat vart trúað þessu og skaut inn. „Má ég bara spyrja… hvað í fjandanum er ég að gera hér?“ Lineker kallaði söguna „ótrúlega“ og Richards bætti við að hann hefði talað við Mel B fyrir nokkrum mánuðum síðan.

Sagan hefur vakið mikla kátínu og sýnir óvænta tengingu á milli knattspyrnu og poppmenningar. Mel B er Íslendingum vel kunnug en hún var unnusta Fjölnis Þorgeirssonar á árum áður.