Varnarmaðurinn Gabriel Magalhães hjá Arsenal hefur sett sér það markmið að verða besti varnarmaður heims, og hann hefur meira að segja skrifað það á vegg heima hjá sér til að sanna metnað sinn.

Gabriel, sem er 28 ára gamall, hefur á undanförnum árum fest sig í sessi sem einn sá best miðvörður í ensku úrvalsdeildinni. Þrátt fyrir það vill Brasilíumaðurinn ná enn hærra og setur sér stór persónuleg markmið.

Arsenal-aðdáendur fengu nýlega innsýn í hugarheim varnarmannsins þegar hann birti myndband á samfélagsmiðlum þar sem hann æfir heima ásamt eiginkonu sinni, Gabrielle, og dóttur þeirra. Athugulir stuðningsmenn tóku eftir svokölluðu „vision board“ á veggnum í ræktinni hans, þar sem hann hefur límt upp hvatningarorð og markmið.

Á spjaldinu má lesa setningar á borð við „best defender in the world“ og „best defence in the world“, auk þess sem hann undirstrikar markmiðið „to next level“. Þetta endurspeglar skýrt þann metnað sem Gabriel hefur fyrir feril sinn.

Enginn varnarmaður hefur skorað fleiri mörk í ensku úrvalsdeildinni síðan Gabriel kom í deildina árið 2020, alls 20 mörk. Hann hefur verið lykilmaður í varnarleik Arsenal, sem hefur fengið á sig fæst mörk í deildinni tvö tímabil í röð og stefnir á það sama í þriðja skiptið í röð.

Gabriel hefur þegar sett nokkur met á Englandi, ekki síst vegna ógnar sinnar í föstum leikatriðum, og virðist staðráðinn í að verða bestur í heiminum í sinni stöðu.