Íbúar í Enniskillen, litlum bæ í Norður-Írlandi, eru harmi slegnir eftir að fregnir bárust af andláti Michael Kerr, ástsæls íbúa bæjarins.

Kerr, sem var aðeins fertugur, var þjálfari áhugamannaliðs Enniskillen Rangers og hafði liðið náð frábærum árangri og raðað inn titlum undir hans stjórn.

Kerr veiktist skyndilega síðastliðinn laugardag og var látinn skömmu síðar. Hann skilur eftir sig eiginkonu og þrjú börn.

Fallegum kveðjum hefur ringt inn í kjölfar andláts Kerr. Samfélagið í Enniskillen er þétt og samheldið og tóku tíðindin því á marga.

Kerr er úr þekktri knattspyrnufjölskyldu á meðal íbúa Enniskillen, en faðir hans lék til að mynda einnig fyrir Enniskillen Rangers á sínum tíma.