Gareth Southgate hefur sótt um að verða næsti landsliðsþjálfari Póllands ef marka má fréttir þar í landi.

Southgate hefur verið án starfs síðan hann hætti með enska landsliðið eftir tap í úrslitaleik EM fyrir ári síðan en nú vill hann taka við pólska landsliðinu eftir brotthvarf Michal Probierz á dögunum.

Probierz lét af störfum eftir rifrildi við landsliðsfyrirliðann og stórstjörnu Pólverja, Robert Lewandowski, sem kvaðst ekki ætla að spila aftur fyrir þjóð sína undir hans stjórn.

Það þarf þó ýmislegt að ganga upp svo pólska knattspyrnusambandið geti ráðið Southgate. Ekki er víst að það ráði við launapakka Englendingsins, sem fengi hvergi nærri þeim launum sem hann fékk í heimalandinu.

Miroslav Klose, Nenad Bjelica, Winfried Schaefer og Carlos Queiroz eru einnig orðaðir við stöðuna.