Kenneth Lingard 86 ára gamall maður á Englandi er sakaður um að hafa brotið á stúlku frá því að hún var fimm ára og þangað til að hún varð 19 ára gömul.

Málið er fyrir dómi núna en barnabarn hans, Jesse Lingard mætti í dómsal í dag sem vitni.

Jesse er fyrrum leikmaður Manchester United og enska landsliðsins. Hann spilar í dag með FC Seoul í Suður-Kóreu og flaug þaðan til að svara spurningum í dómsal.

Málið kom upp eftir að heimildarmynd um líf Jesse var frumsýnd á Channel 4 þar sem afi hans kom fyrir. Þakkaði Jesse honum fyrir alla hjálpina í gegnum lífið.

„Hún hafði samband við mig eftir myndina og skammaði mig fyrir að leyfa honum að vera hluti af henni,“ sagði Jesse fyrir framan dómara í álinu.

„Ég lét hana vita að ég hefði aldrei heyrt af þessu, ég sagði henni að hafa samband við lögregluna ef hún vildi.“

Kenneth Lingard hafnar öllum ásökunum en hann er ákærður í sautján liðum. „Hann er maðurinn sem kom mér hingað, ef þetta reynist satt þá hittir hann ekki dóttir mína eða systir mína aftur,“ sagði Jesse.

Málið hefur verið í rannsókn síðustu ár en myndin um Jesse og líf hans kom út árið 2022. „Skammastu þín fyrir að hafa hann í myndinni, afi þinn braut kynferðislega á mér og þú vissir það,“ sagði í skilaboðum sem konan sendi Jesse.

„Þú gerðir þessa mynd fyrir peninga, ég mun ekki þegja lengur,“ sagði konan og sagði að Jesse væri að fela það að afi sinn væri barnaníðingur.