Það eru líklega margir lesendur sem kannast við nafnið Phil Bardsley sem er fyrrum leikmaður Manchester United, Sunderland og Stoke svo eitthvað sé nefnt.

Bardsley er 39 ára gamall í dag en hann hefur lagt skóna á hilluna og spilaði sinn síðasta leik árið 2023 fyrir Stockport í neðri deildum Englands.

Bardsley var fínn bakvörður á sínum tíma en hann spilaði 13 landsleiki fyrir Skotland og lék mest allan sinn feril í ensku úrvalsdeildinni.

Eiginkona Phil er minna þekkt en hún ber nafnið Tanya Bardsley og þau kynntust fyrir um 15 árum síðan.

Tanya hafði athyglisverða hluti að segja í viðtali nú á dögunum en hún ræddi um samband sitt við Phil í svefnherberginu.

,,Ég hef og verð alltaf skotin í Phil, hann verður huggulegri með hverjum degi!“ sagði Tanya um eiginmanninn.

,,Ég hef náð stjórn á ákveðnum hlutum í sambandinu en það sem mamma sagði mér var að hugsa vel um manninn því annars myndi önnur kona gera það. Við þurfum öll að vökva garðinn.“

,,Það eru ekki öll pör sem stunda kynlíf reglulega og það er allt í lagi en ef við gerum það ekki þá erum við bara bestu vinur. Ég væri áhyggjufull ef kynlífið væri ekki stór hluti af sambandinu – alla daga.“

,,Við reynum að gera þetta þegar börnin sjá ekki til, hann verður að vera snöggur og stundum tekur þetta bara tvær mínútur!“