Eigendur Paris Saint-Germain í Frakklandi eru að horfa í það að kaupa nýtt félag sem spilar á Spáni.

Frá þessu er greint í dag en PSG er í eigu Qatar Sports Investments sem hefur dælt peningum í félagið í mörg ár.

Samkvæmt fregnum dagsins eru eigendurnir að horfa til Spánar og vilja eignast lið Malaga sem er í fjárhagslegum erfiðleikum.

Það myndi kosta um 100 milljónir evra að eignast Malaga sem lék lengi í efstu deild á Spáni en hefur verið í dvala undanfarin ár.

Ásamt því að eiga franska stórveldið þá eiga fjárfestarnir 21 prósent hlut í portúgalska félaginu Braga.