Sigurbjörn Hreiðarsson var gestur Helga Fannars Sigurðssonar og Hrafnkels Freys Ágústssonar í nýjasta þætti af Íþróttavikunni á 433.is.

Sigurbjörn er goðsögn hjá Val og hefur mikla trú á liðinu í Bestu deild karla í sumar. „Ég held að þeir geti nálgast Breiðablik og Víking,“ sagði hann í þættinum.

„Þrír fremstu menn, hvar er betri þrenna en í Val? Patrik, Jónatan, Tryggvi,“ bætti hann við, en Hrafnkell leyfði sér að efast um þetta og telur framlínu Breiðabliks betri.

„Mér finnst Aron Bjarna, Óli Valur og Tobias Thomsen betra. Það hafa verið stöðugri leikmenn, Tryggvi verið mjög óstöðugur,“ sagði hann.

Helgi benti þá á að þó Valur hafi endað í þriðja sæti í fyrra hafi þeir verið ansi langt frá toppliðum Breiðabliks og Víkings.

„Loftið fer oft úr blöðrunni þegar möguleikinn er farinn snemma. Við höfum séð þetta hjá stórum klúbbum,“ sagði Sigurbjörn.

Umræðan í heild er í spilaranum.