Svíinn Anton Kralj hefur skrifað undir hjá Bestu deildarliði Vestra.

Um er að ræða 26 ára gamlan vinstri bakvörð sem hefur spilað í efstu deildum í Svíþjóð og Noregi. Þá er hann fyrrum unglingalandsliðsmaður þjóðar sinnar.

Kralj var síðast á mála hjá stórliði Hammarby en spilaði síðast fyrir Sundsvall á láni.

Vestri hélt sér naumlega uppi sem nýliði í Bestu deildinni í fyrra og undirbýr sig fyrir sitt annað tímabil í deild þeirra bestu.

Tilkynning Vestra
Anton Kralj til Vestra.

Vestri hefur samið við sænska vinstri bakvörðinn Anton Kralj. Anton er 26 ára og með reynslu úr sænsku og norsku úrvalsdeildinni ásamt fyrstu deild í Svíþjóð. Hann á einnig leiki með U17, U19 og U21 árs liðum Svía. Hann kemur til okkar frá Hammarby en hefur einnig verið á mála hjá Malmö FF, Sandejord og Degerfors ásamt því að vera lánaður til Gefle og GIF Sundsvall.

Við bjóðum Anton hjartanlega velkominn í félagið. Áfram Vestri!