Fyrrverandi úrvalsdeildarmarkvörðurinn Shaka Hislop, 56 ára, hefur opinberað að hann sé að berjast við árásargjarnt krabbamein í færslu á samfélagsmiðlum.
Hislop, sem lék meðal annars með Newcastle og West Ham, sagði á Instagram að hann hafi fyrir 18 mánuðum farið í árlega heilsufarsskoðun þar sem hann bað alltaf um PSA-blóðprufu. Að þessu sinni reyndist gildi prófsins hækkað.
„MRI og sýnataka sýndu fljótt að ég væri með nokkuð ágengt blöðruhálskirtilskrabbamein,“ sagði hann.
„Fyrir ári síðan, nánast upp á dag, fór ég í stóra aðgerð og hélt að það væri búið.“
En sex mánuðum síðar hækkaði PSA gildið á ný og myndataka sýndi að krabbameinið hafði dreift sér í mjaðmagrindina.
Hislop hóf lyfjameðferð fljótlega og lauk nú nýverið sjö og hálfri viku af geislameðferð. „Ferðalaginu er ekki lokið,“ sagði hann.
Hislop er best þekktur fyrir tíma sinn í markinu hjá Newcastle á árum Kevin Keegan.
