Manchester United er talið vera komið af krafti í baráttuna um að fá sóknarmanninn Antoine Semenyo frá Bournemouth.
65 milljóna punda klásúla er í samningi Semenryo sem hægt er að virkja frá 1. janúar. Samkeppnin er þó hörð, því bæði Manchester City, Tottenham og Liverpool hafa einnig áhuga á leikmanninum.
Samkvæmt The Independent lítur stjórn United á Semenyo, sem er 25 ára, sem raunhæfan kost. United myndi helst vilja bíða fram á sumar með tilboð, en gæti neyðst til að bregðast fyrr við ef keppinautur virkjar ákvæðið.
Helsta áhyggjuefnið er af fjárhagslegum toga, þar sem 65 milljóna punda kaup gætu haft áhrif á önnur markmið félagsins, einkum kaup á miðjumanni.
