Fyrrum franski miðjumaðurinn Christian Karembeu, sem fagnaði 55 ára afmæli sínu á dögunum, átti glæsilegan feril sem innihélt 53 landsleiki fyrir Frakkland og þrjú ár hjá Real Madrid, auk stuttrar dvalar hjá Middlesbrough í ensku úrvalsdeildinni. Daily Star rifjar upp áhugaverða sögu í tilefni þess.

Karembeu giftist skíðakonu frá Líbanon, Jackie Chamoun, í maí 2017 og þau eignuðust dóttur í september sama ár. Jackie vakti gríðarlega athygli í heimalandi sínu fyrir nektarmyndir sem fóru í dreifingu á netinu fyrir vetrarólympíuleikana 2014, þar á meðal ein sem sýndi hana bera að ofan á skíðum.

Chamoun baðst afsökunar í Facebook-færslu og sagðist myndirnar ekki ætlaðar dreifingar til almennings. „Ég vil biðja alla sem sáu þetta að hætta að deila því, það mun hjálpa mér að einbeita mér að þjálfun og keppni.“

Skíðakonan vakti þó athygli fyrir hæfileika sína á skíðum og var hún ansi ung farin að keppa á meðal atvinnumanna, eða 14 ára gömul. En nektarmyndirnar komu mörgum í opna skjöldu og þótti einhverjum hún ekki fyrirmyndarfulltrúi fyrir þjóð sína.