Réttarlæknir hefur farið fram á að lögreglurannsókn á andláti knattspyrnumannsins Billy Vigar taki einnig tillit til mögulegrar snertingar milli hans og annars leikmanns í leiknum þar sem slysið átti sér stað.
Vigar, sem var 21 árs og lék með Chichester City, lést 25. september eftir að hafa hlotið alvarlegan heilaskaða í leik gegn Wingate & Finchley í norður-London.
Atvikið átti sér stað 20. september þegar Vigar reyndi að halda boltanum inni á vellinum og skall á steyptan vegg við hliðarlínuna. Hann var fluttur á St. Mary’s-sjúkrahúsið í Westminster en lést fimm dögum síðar.
Á fundi á dögunum óskaði réttarlæknirinn Andrew Walker eftir því að lögreglan víkkaði rannsókn sína og skoðaði nánar eðli snertingar leikmannanna tveggja áður en Vigar skall á vegginn. Rannsókn er enn í gangi.
Samhliða er Barnet-sveitarfélagið að framkvæma rannsókn á heilsu- og öryggismálum. Fulltrúi sveitarfélagsins staðfesti að steypti veggurinn hefði verið fjarlægður af vellinum. Leikmannasamtökin hafa einnig kallað eftir ítarlegri rannsókn á málinu, bæði vegna Vigar og öryggis leikmanna almennt.
