Liverpool er að missa einn efnilegasta leikmann akademíu sinnar, Kai Morrall, en Leeds er við það að tryggja sér þennan 15 ára gamla sóknarmann frítt.

Morrall gekk til liðs við Liverpool aðeins níu ára gamall árið 2017 og hefur síðan farið alla leið upp í gegnum yngri flokka félagsins.

Samkvæmt Daily Mail var ákvörðunin tekin í sameiningu og Morrall telur að flutningur til Leeds gefi honum betri möguleika á að brjótast í aðalliðið í framtíðinni.

Morrall, sem er unglingalandsliðsmaður Írlands, leikur aðallega sem kantmaður en getur einnig spilað fyrir miðju í sókninni.

Um helgina birti hann tilfinningaþrungna kveðju á samfélagsmiðlum þar sem hann þakkaði Liverpool fyrir átta ár í akademíunni og sagðist spenntur fyrir nýjum kafla.