Arne Slot, stjóri Liverpool, hrósaði einum leikmanni liðsins sérstaklega eftir sigurinn á Inter í Meistaradeildinni í gær.

Mikið fjaðrafok hefur verið í kringum Slot og Liverpool eftir að Mohamed Salah hjólaði í mann og annan í viðtali á dögunum. Sigurinn var því kærkominn.

Einn leikmaður sem hefur þá fengið á baukinn fyrir frammistöður sínar undanfarið er miðvörðurinn Ibrahima Konate, sem verður samningslaus næsta sumar og er sagður á förum.

„Mig langar að taka fyrir einn leikmnann því það hefur verið talað um hann á mjög neikvæðan hátt undanfarið, Konate. Hann var frábær gegn Inter,“ sagði Slot hins vegar eftir leikinn í gær.