Viktor Unnar Illugason og Hrafnkell Freyr Ágústsson voru gestir Helga Fannars Sigurðssonar í nýjasta þætti af Íþróttavikunni hér á 433.is.

Það var auðvitað rætt um landsliðið sem er í fullu fjöri þessa dagana. Liðið vann Aserbaísjan á fimmtudag og er á leið í úrslitaleik gegn Úkraínu um sæti í umspili fyrir HM.

Arnar Gunnlaugsson landsliðsþjálfari er heldur betur að setja sitt handbragð á liðið og var miðverðinum Sverri Inga sérstaklega hrósað fyrir störf sín undir stjórn Arnars.

„Mér finnst mikill munur á Sverri undir Arnari og síðustu þjálfurm. Hann er orðinn meiri leiðtogi og öruggari í sínum aðgerðum,“ sagði Hrafnkell.

„Þetta var erfitt fyrir hann því hann kom á eftir líklega bestu hafsentum Íslandssögunnar, Ragga og Kára. Fólk beið lengi eftir honum og hann átti að leiða þetta lið varnarlega, nú er hann að gera það.“

Þátturinn í heild er í spilaranum.