Eiginkona Wayne Rooney, Coleen Rooney, hefur miklar áhyggjur af eiginmanni sínum eftir að hann fékk sparkið frá Plymouth í síðasta mánuði.
Rooney var aðalþjálfari Plymouth en gengið undir hans stjórn var ekki ásættanlegt og ákvað stjórn félagsins að láta hann fara.
Samband Coleen og Wayne er oft á forsíðum blaða á Englandi en þau eru eitt þekktasta par landsins.
Náin vinur fjölskyldunnar ræddi við Daily Mail um stöðuna og segir að Coleen hafi miklar áhyggjur af Wayne sem hefur margoft komið sér í klandur eftir að knattspyrnuferlinum lauk innan vallar.
,,Coleen var svo vongóð um að þjálfaraferill Wayne myndi skila velgengni. Hún veit hversu mikið hann vildi þetta og hversu mikið hann elskar fótbolta,“ sagði heimildarmaðurinn.
,,Utan vallar þá snýst líf Rooney hjónanna um dýra veitingastaði, kokteila og föt. Fótboltinn er hins vegar svo mikilvægur Wayne.“
,,Það heldur honum uppteknum. Hún hefur miklar áhyggjur af eiginmanninum og fótboltinn heldur honum frá vandræðum.“
