Wanda Nara er nafn sem margir eru farnir að kannast við en hún er fyrrum eiginkona og umboðskona Mauro Icardi.

Saman eiga þau börn en ákváðu að skilja á síðasta ári og er Wanda talin vilja fá eiginmanninn til baka.

Icardi er sjálfur kominn í nýtt samband í Tyrklandi en hann er leikmaður Galatasaray þar í landi eftir dvöl hjá PSG í Frakklandi.

Nú greina argentínskir miðlar frá því að Wanda sé tilbúin að gera allt til að koma fjölskyldunni aftur af stað og vill byrja upp á nýtt með Icardi.

Ólíklegt er að Icardi samþykki það boð en Wanda hefur verið dugleg að birta djarfar myndir af sér undanfarnar vikur og er það talið vera leið til að fanga athygli fyrrum eiginmannsins.

Icardi er sagður hafa lítinn sem engan áhuga á að hefja sambandið á nýjan leik sem var svo sannarlega stormasamt á sínum tíma.