Það eru fáir sem vita það að framherjinn Beto vann lengi á skyndibitastaðnum KFC en hann er fæddur og uppalinn í Portúgal.

Beto er í dag leikmaður Everton á Englandi og þénar vel fyrir sín störf þar en hann kom til félagsins frá Udinese árið 2023.

Beto vildi alltaf það flottasta og dýrasta sem krakki en áttaði sig á því snemma að móðir hans hefði ekki efni á því að borga það sama og aðrir foreldrar á hans yngri árum.

Hann ákvað að byrja að vinna fyrir sínum eigin hlutum og tók að sér starf hjá KFC áður en hann vakti athygli sem fótboltamaður.

,,Þetta var fín vinna. Ég vildi alltaf eignast mína eigin peninga, þar til ég var 15-16 ára gamall þá leið mér eins og það væri dekrað við mig,“ sagði Beto.

,,Ég vildi alltaf eignast það sama og skólabræður mínir en áttaði mig ekki á því að það væri ekki í boði fyrir mömmu, hún hafði ekki efni á sömu hlutum.“

,,Vinur minn á þessum tíma sagði við mig að pabbi hans hefði borgað fyrir bílprófið, ég fór heim og bað um það sama. Með tímanum þá get ég skilið hvað mamma mín gekk í gegnum og hvað hún gerði fyrir mig og systur mínar.“