Theo Hernandez hefur skotið á AC Milan eftir að hafa yfirgefið félagið fyrir Al Hilal í Sádi Arabíu.

Hernandez spilaði með Milan í um sex ár en hann virðist vera mjög óánægður með það sem er að eiga sér stað á bakvið tjöldin hjá félaginu.

Hann þakkaði stuðningsmönnum fyrir alla góðu tíma sína á San Siro en gefur sterklega í skyn að stjórnin hafi verið ástæðan fyrir hans brottför.

,,Það var ekki auðveld ákvörðun að yfirgefa félagið, ég hef alltaf vitað hvar ég vil spila og AC Milan hefur alltaf verið númer eitt,“ sagði Hernandez.

,,Því miður þá veltur þetta ekki alltaf á einni manneskju, þær ákvarðanir sem stjórnin hefur tekið nýlega eru ekki í takt við það sem fékk mig til félagsins.“

,,Það er kominn tími á að hefja nýjan kafla sem er öðruvísi en alveg jafn mikilvægur fyrir mig.“