Íslenska kvennalandsliðið er úr leik á EM í Sviss eftir tap gegn gestgjöfunum í annarri umferð riðlakeppninnar.

Ísland tapaði opnunarleiknum 1-0 gegn Finnum og þurfti á stigi að halda til að eiga möguleika á að komast áfram.

Glódís Perla Viggósdóttir, fyrirliði Íslands, var gríðarlega svekkt eftir leik og var gráti næst er hún ræddi um leikinn gegn Finnlandi.

,,Tómleikatilfinning og mikið svekkelsi. Þetta var gríðarlega sárt,“ sagði Glódís eftir leik kvöldsins.

,,Við sem lið komum við út með mikla orku og ætluðum að skilja allt eftir á vellinum í dag og gerðum það en það var ekki nóg að þessu sinni.“

,,Það eru allir miður sín, svekkelsi og ég veit ekki hvað ég á að segja. Það er ógeðslega leiðinlegt að standa hérna eftir tvo leiki og vera úr leik.“

Glódís ræddi svo leikinn gegn Finnum en hún þurfti að fara af velli í hálfleik vegna veikinda.

,,Ég held ég muni aldrei fyrirgefa mér fyrir að fara útaf í fyrsta leik en já, þetta var óheppileg tímasetning. Svona fór þetta. Það er ekkert sem gerir mig stoltara en að spila með þessum stelpum og ég er til í að gera allt fyrir þær.“