Jordan Henderson fyrrum fyrirliði Liverpool var mættur fyrir utan Anfield í dag til að votta Diogo Jota virðingu sína, framherji Liverpool lét lífið í gær.

Henderson lék með Jota í nokkur ár en hann er í dag leikmaður Ajax í Hollandi.

Henderson mætti með blóm og Liverpool fána fyrir utan Anfield til að votta Jota og fjölskyldu hans virðingu sína. Henderson brast í grát þegar hann stóð og vottaði Diogo virðingu sína.

Útför Jota og bróðir hans Andre hefst í dagk klukkan 16:00. Útförin fer fram í Gondomar sem bær nálægt Porto í Portúgal.

Athöfnin hefst í dag með bænastund og sjálf útförin fer svo fram klukkan 10:00 í fyrramálið.

Athygli vekur að athöfnin hefst aðeins rúmum sólarhringi eftir að Jota og bróðir hans Andre létust í hræðilegu bílslysi.

Jota var á leið í ferju til Englands þegar dekk sprakk á bíl hans með þeim hræðilegu afleiðingum að hann og bróðir hans létu lífið.

Jota keyrði Lamborghini bíl sinn og ætlaði að taka ferjuna frá Santander á Spáni yfir til Englands.