Þær hræðilegu fréttir bárust frá Spáni í morgun að Diogo Jota framherji Liverpool hefði látið lífið í bílslysi. Lést hann í blóma lífsins.
Segja má að lífið hafi aldrei verið eins gott og undanfarið fyrir Jota, hann varð Englandsmeistari með Liverpool í vor, hann vann Þjóðadeildina með Portúgal í sumar og gifti sig svo fyrir tveimur vikum.
Jota og bróðir hans Andre höfnuðu utan vegar þar sem kviknaði í bílnum og þeir bræður létu lífið.
Jote og Rute Cardoso gengu í það heilaga 22 júní en saman áttu þau þrjú börn. „Dagur sem við gleymum aldrei,“ skrifaði Jota á Instagram fyrir 19 klukkustundum og birti myndband frá deginum stóra.
Jota hafði verið leikmaður Liverpool frá árinu 2020.
Hann var 28 ára gamall þegar hann lést en Jota gerði vel fyrir Liverpool og var í stóru hlutverki í landsliði Portúgals.
Knattspyrnuheimurinn syrgir nú þennan frábæra leikmann.
• 22 de Junho de 2025 •
Sim, para sempre ♾️ pic.twitter.com/pZvQwKADgd— Diogo Jota (@DiogoJota18) June 28, 2025
